Müzakirələr Azərbaycanda istehsal olunan malların vahid məlumat bazası əsasında formalaşdırılacaq İnternet portalın yaradılması prosesinin aparıldığı ərəfədə electron ticarətlə bağlı mövcud vəziyyəti öyrənmək məqsədi ilə təşkil olunub. Mərkəzin İcraçı direktoru Vüsal Qasımlı portalın yaradılması ilə bağlı sərəncama uyğun görülən işlər və electron ticarətin inkişafı ilə bağlı aparılan araşdırmalar barədə ətraflı məlumat verib. Daha sonar iştirakçılarla elektron ticarətin inkişafı üçün atılması zəruri olan addımlarla bağlı fikir mübadiləsi aparılıb. Elektron ticarətin inkişafının xərcləri aşağı salması, tranzaksiyaları sürətləndirməsi, şəffalığı artırması və ixrac imkanlarını genişləndirməsinə gətirəcəyi qeyd edilib. İqtisadi İslahatların Təhlili və Kommunikasiya Mərkəzində electron ticarətlə məşğul olan sahibkarların iştirakı ilə bu tip görüşlər davam edəcək.
